愚公移山(下) (第1/1页)

    我唔系要你哋学我，始终我哋成长喺不同嘅时代，适合我嘅成功之道，未必代表适合你哋，我都系咁教我啲仔nV；所以，出面嗰啲所谓成功之道，你当食花生睇表演就算，唔需要太认真。

    不过有一点我希望你哋可以明白，无论咩时代都好，成功嘅法则只有一个，就系即使我推唔到个铅球上山，甚至个铅球会?返转头压倒自己都好，都唔好放弃，企返起身拍拍身上嘅灰尘再推过，就算最後唔会成功，起码有试过、有努力过，总好过坐喺度剩系望住个铅球，前面有啲乜都睇唔到、有咩唔同嘅景sE都唔知道??

    呢个亦系我呢个年纪都决定嚟日本从头开始学做拉面嘅原因，我知道我唔驶做都唔忧会饿Si，但用返你哋嘅说话方式，做人唔可以太离地。我而家拥有嘅一切系香港呢个地方b我，就算我几努力都好，如果生喺非洲我一定唔会有今日，所以我做唔出喺香港赚到少少钱然後就甘於做既得利益者过世，可能你哋眼中好多香港嘅老一辈系咁，但起码我唔系。

    日本人对不同事物嘅尊重同态度，其实同我奋斗时嘅香港好相似，我相信呢个亦系当时香港点解咁流行日本文化嘅其中一个原因。近呢十几年香港人好似忘记咗太多嘢，我想搵返嗰种感觉，所以我决定过嚟日本重新学习呢种JiNg神，然後带返去香港，希望可以令香港人重新记起属於香港嘅JiNg神。

    如果你哋觉得面前嗰座山已经有好多铅球堆咗喺山顶，唔想再跟风玩落去，可以去搵座新嘅山推你哋自己嘅铅球，甚至乎你哋够疯狂大胆的话，铲平座山重新嚟过都重得，你哋有冇咁嘅决心同毅力？不过无论点都好，坐喺度唔会改变到世界，反而个世界b其他人改变咗你只会坐喺度被淘汰??自己执生啦。

    讲到呢度可能有啲口乾，阿功停咗落嚟，饮咗啖酒，我自己亦好似需要啲时间消化一下头先嗰番说话，默默地拎起酒杯，静静地饮咗啖酒，等待阿功继续将佢嘅故事讲埋落去。

    「嗰晚返到酒店，阿欣不断同我讲觉得个大叔好傻，咁有钱都唔喺香港享受，反而仲长途跋涉去到第二个地方Si捱烂捱，仲话如果系佢就会调转头喺日本买间屋当度假别墅等等??」

    「嗰晚我成晚都训唔着，谂咗好多嘢，同埋嗰一刻我忽然觉得，我同身边呢个nV人真系无办法再G0u通，於是我做咗一个决定。返到香港冇耐我就向佢提出分手；然後，我亦决定去地盘边做边学，试下重新搵自己嘅方向??」

    「点解拣地盘呢啲咁危险同辛苦嘅工？冇其他选择咩？」我唔明点解佢会有咁嘅决定。

    「选择地盘系因为香港最值钱系楼，我好想知道呢个城市啲楼系点起，最重要系想知道香港人花一生心血去拼搏嘅一层楼到底真正面目系点。」

    「正所谓知己知彼，百战百胜，即使愚公要移山，都要知道座山系咩构造先容易入手嘛??」

    听到阿功咁讲，我个心当堂离一离：「你话??你要愚公移山？」

    阿功依然好平静咁答我：「嗰个大叔讲得啱，我唔想跟风玩一个已经b人玩到烂嘅游戏，只有抱住愚公移山嘅JiNg神先有出路，而要训练自己嘅决心同毅力去铲平呢座山，我由日本返到香港嗰刻开始已经做好心理准备。」

    呢一刻，我终於明白点解阿功成个人会唔同哂，面对住眼前嘅佢，我嘅心情变得好复杂。我觉得佢有啲陌生，但又觉得佢有咁嘅志向令我身为佢朋友都觉得有啲自豪，同时亦觉得佢嘅谂法太疯狂??愚公移山，真系有可能咩？

    「你唔试过点知？马拉松都系一步一脚印咁跑出嚟。可能我呢代做唔到，但我已经决定将呢个谂法传b下一代，然後佢又会教佢嘅下一代，终有一日我嘅谂法一定会变成事实，因为呢个世界冇野系永恒不变，除非我哋个个都做哂花生友默许佢不变。」

    呢一刻，我不得不承认阿功嘅说话就好似邪教教主一样洗紧我脑，更恐怖嘅系，我发现我唔介意b佢洗脑。

    我哋一齐由细玩到大，我唔相信佢会害我；更何况，佢只系向我示范紧一个积极嘅人生态度，我何必要有提防之心；抑或，只系我过惯咗得过且过、安於现状嘅生活，我会觉得惊只系怕改变？

    「你又有咩谂法？我哋都hea咗咁耐，都系时候要做返啲野。」阿功一脸关切咁问我，我更加觉得冇识错呢个朋友。

    嗰晚返屋企嘅路上，我不断回想从阿功身上听到嘅故事，同埋佢最後问我嘅嗰个问题；然後，亦暗暗下咗一个决定。

    返到屋企，我打开Facebook，注册咗一个新专页；跟住，开始写我希望可以为世界带来一丁点改变嘅故事。