90感情用事 (第1/1页)

    从战区回到金钟的流主他们，接受了正先生的款待。岂料在饮宴过後的深夜，流主和阿宝却意外撞破正先生竟然想把豆强化成巨兽！

    「你想将豆变成巨兽？？」流主问

    正先生微笑说：「唔系变成，系强化。」

    阿宝说：「正先生．．．我地正势力系唔会制造生物武器．．．」

    「阿宝，我地系为左大局着想。」正先生说：「为左整个香港废土上嘅居民，我地有时候系需要不择手段。为左整T嘅利益，小部份嘅牺牲系在所难免。」

    流主反驳：「每个人都有佢嘅生存权利，你凭咩嘢去决定牺牲边个？？」

    「如果依个强化剂对我有效，我唔介意为左大局牺牲我自己。」正先生耐心解释说：「面对住战争，我地唔可以自私咁以一己私yu行先，我地一定要想尽办法用尽一切手段去提升胜利嘅机会。一旦我地依场战争输左，我地唔单止浪费左我地战友嘅血汗同生命，我地仲会断送左香港废土嘅未来。」

    流主和阿宝一时间无从反驳．．．

    正先生续说：流主，你都好清楚，我地系必须要喺残党手上抢返伊甸园创造器。」

    流主想了一下，否定说：「．．．唔得，如果为左嬴依场战争，我地就连人X同人道都可以抛弃．．．终有一日我地都只会变成下一个独裁者。」

    正先生摇头叹道：「你唔明白，我地如果连眼前嘅独裁者都打唔嬴，我地讲人X同人道，都只不过系徒然。一日你仲b道德綑绑住，一日你都未有足够决心去嬴，咁样，你就永远都嬴唔到。就算b你侥幸嬴到，下一个人亦都一定可以轻易咁将你击倒。」

    流主又再无话可说．．．

    「而且，无生物武器嘅战争，就好有人X好有人道咩？」正先生续说：「战争本来就系唔人道，有生物武器唔人道，无生物武器都一样唔人道，根本就无分别。所以，既然决定得要打，就应该用尽所有方法，以最快捷最有效嘅手段去打。战争愈快完结，对所有人就愈好，依啲先至叫做人道。」

    流主无法认同正先生的说法．．．但心底里却又不能否定他的见解．．．

    正先生接着说：「流主，我知道你系一个善良而又有勇气嘅人，更加系一个必成大器嘅人材，我打从心底支持同欣赏你嘅原则。只不过，单凭善良同勇气，系唔足够带领大家。一个英雄，除左善良同勇气，仲需要「狠心」。」

    「．．．狠心？」流主想不通

    「要为世界带嚟真正嘅和平，依三样嘢缺一不可。只有勇气同狠心，就会变成一个为社会带嚟混乱嘅独裁者；只有善良同狠心，无勇气去行动，就注定系一个纸上谈兵嘅失败者；而好似你咁，只有善良同勇气，往往都会喺重要关头b道德纠缠而裹足不前，最终一事无成。」正先生续说：「我相信你嘅生命中，都经历过唔少需要「狠心」嘅场合。你有无发现，所有正确嘅结果，都系嚟自一个狠心嘅决定？」

    流主闻言，不禁回想起一路以来自己做过的所有决定和事情．．．

    正先生看着流主的双眼说：「每一个英雄，都一定背负左好多好多过往所做过嘅狠心决定，就系依啲包袱令到我地成长，令到我地坚强，令到我地能够忍辱负重，令到我地有毅力去承受世俗道德嘅唾骂同愚昧良心嘅责备！可能，依一刻，你同好多人都一样觉得我嘅做法系错，觉得我嘅做法太过激进．．．但系唔紧要，我唔需要大家明白，亦唔需要大家谅解，我要嘅．．．只系结果。」

    流主的内心非常挣扎．．．在正先生的道理和与豆的情义之下，流主果然如正先生说，裹足不前．．．

    「历史上，唔系都经常出现依啲例子咩？生於和平嘅人，都以为用Ai同歌声就可以感化敌人，佢地屡试屡败都仍然系冥顽不灵，继续企喺虚假嘅道德高地上面甘心情愿b自己打造嘅枷锁束缚．．．佢地最终，有无得到啲咩成果？？」正先生续说：「佢地又有无谂过，佢地能够享有和平，就系因为有前人愿意舍弃道德，忍受世俗愚观嘅白眼去战斗争取返嚟！」

    流主和阿宝完全无言以对，他们不能否认，甚至是十分认同正先生的观点．．．可是，难道真的必须要牺牲豆吗？？他俩此刻犹豫不决．．．道德和道理、情义和大义．．．应当如何取舍．．．？

    「我知道你地一定会明白。」正先生微笑说着，便回头与其他科学家继续工作

    流主和阿宝看着豆那无可奈何的眼神，过往日子的一些片段不禁在心里泛起．．．他们一起闯荡、一起战斗、一起吃喝玩乐、一起出生入Si，他们情同手足、亲如家人，同时也是最佳拍挡，亦师亦友．．．这难以言喻的友谊早已经缔固根深，净是想像孖根和锁匙萱知道豆的事会如何悲痛，流主和阿宝的内心便cH0U痛起来．．．．．．他们真的可以大义灭亲吗．．．？

    「．．．咪住．．．．．．」流主突然说

    正先生沉默地回头过来．．．

    「对唔住，请你放左豆，我唔会b你将佢变成巨兽。」流主说

    正先生皱起眉头：「你依然唔明白。」

    流主说：「我明白．．．但系我唔想牺牲豆。」

    正先生反问：「即系其他超级变种人就可以？」

    流主深呼x1道：「．．．．．．系。」

    「．．．你依啲系伪善。」正先生说

    「可能我真系伪善，总之．．．我始终做唔到。」流主说

    正先生失望地说：「面对住战争，我地岂可以感情用事？」

    「对唔住．．．」流主坚持：「放左豆。」

    「唔得。」正先生语气强y

    这时，一直沉默的阿宝上前说：「正先生，你唔系话要尽力提升打嬴依场战争嘅机率咩？如果你想嬴，你就要放左豆。」

    正先生不屑问：「啊？愿闻其详。」

    「首先，你能唔能够确定豆嘅强化会成功？」阿宝问

    正先生说：「你应该知道科学系无百分百嘅答案，但系，我对我团队嘅计算有信心。」

    「计算，咁即系未有实质数据支持啦？」阿宝续说：「如果强化失败，豆Si左，我地就会失去一个拥有强大战斗力嘅帮手；就算强化成功，你又能唔能够肯定变成左巨兽嘅豆会仍然帮助我地？更严重嘅，佢会唔会失去理智攻击我地？」

    正先生反驳：「如果失败，我地大不了损失一个超级变种人。但系如果成功，我地嘅战力就会得到飞跃X嘅提升。到时配合其他组织嘅帮手，我地一定可以赢。」

    阿宝说：「正先生你Ga0错左一件事．．．Bitgdom、乡土、U记等等嘅组织，佢地并无话过帮助正势力，佢地只系承诺会帮助流主。」